O doutor Simón Pardiñas López asistiu ao encontro anual da Academia Americana de Periodoncia celebrado do 9 ao 12 de Setembro na cidade de Boston (Estados Unidos). Na edición número 103 deste meeting anual, o Dr. Pardiñas gozou de numerosas palestras que ofreceron relatores de gran renome internacional sobre as novidades e técnicas en periodoncia, rexeneración ósea e implantoloxía oral.
Da mesma forma, o doutor Simón Pardiñas realizou un taller práctico sobre a rexeneración ósea vertical impartido polo Dr. Istvan Urban, un dos profesionais máis recoñecidos mundialmente nesta técnica odontolóxica.
O meeting da Academia Americana de Periodoncia é un dos congresos máis importantes do mundo no campo da odontoloxía e foi un broche perfecto para a semana formativa do Dr. Pardiñas nos Estados Unidos. Estancia que o noso dentista iniciou o pasado xoves 7 de Setembro como relator na Universidade de Nova Iorque.
No Centro Médico Dental Pardiñas estamos convencidos de que a formación continuada axúdanos a ofrecer o mellor servizo aos nosos pacientes nesta sociedade en continuo desenvolvemento.
