Especialidades

Enfermidades das enxivas

Cirurxía estética das enxivas

En ocasións, hai pacientes cunha liña de sorriso amplo que detectan unha retracción da enxiva nun ou varios dentes e que lles afea o sorriso. Hoxe en día para solucionar estes problemas hai técnicas de cirurxía mucoxenxival plenamente contrastadas cuns resultados moi aceptables.
É evidente, como sempre, que primeiro hai que facer un diagnóstico correcto do caso, analizar as causas e logo elixir a técnica adecuada para o seu caso particular.
Antes de nada hai que descartar que exista unha enfermidade periodontal de base (piorrea) nese caso primeiro hai que tratala. Unha vez analizado o caso e obtidas as conclusións oportunas, tomamos a decisión de mellorar a estética. Para iso existen diferentes técnicas e materiais que podemos utilizar en función da necesidade do caso.
Algunha destas técnicas consiste en facer un enxerto subepitelial (neste caso tomamos un enxerto de tecido conectivo do padal e trasladámolo á zona da recesión, o cal á súa vez o cubrimos con enxiva desa zona). Outra delas é facer un retallo desprazado (tomando a enxiva de á beira da recesión para desprazala á zona da recesión). Tamén podemos usar distintos materiais tanto de orixe animal como humano como o coláxeno ou a matriz dérmica acelular.

É típico tamén que tras movementos de ortodoncia póidanse empezar a expoñer raíces dalgúns dentes, estas retraccións podémolas corrixir cun enxerto xenxival libre tamén obtido do padal que trasladamos á base da recesión para crear nesa zona unha banda de enxiva forte cuxa función é evitar que siga a retracción. Nunha segunda fase podemos traer esa enxiva firme que agora xa temos cara á coroa para tratar de cubrir a recesión.
Hai múltiples técnicas de microcirurxía que nos axudan a mellorar ese sorriso.
A solución ás enxivas que son demasiado longas, é dicir o chamado "sorriso xenxival", pode ser o alongamento de coroa do dente, que é o segundo procedemento periodontal estético máis común entre os pacientes menores de 50 anos, de acordo a unha enquisa levada a cabo entre numerosos periodoncistas. Co alongamento da coroa, o exceso das enxivas e o tecido óseo se recontornea para expoñer máis parte do dente natural. Isto pódese facer a un dente para igualar a liña das enxivas, ou varios dentes para expoñer un amplo sorriso natural.

Síganos

Na nosa canle de Youtube, segunda canle de odontoloxía a nivel mundial, atopará numerosos vídeos en 3D con explicacións detalladas de máis de 55 tratamentos distintos e subtitulados en 12 idiomas diferentes.