O pasado 20 de Outubro, o Dr. Simón Pardiñas López impartiu un curso no Colexio Oficial de Médicos e Estomatólogos de Lugo, xunto co Dr. Gabriel Hernández. Durante as dúas horas da súa palestra, o Dr. Pardiñas López falou sobre a rehabilitación do sector anterior estético con implantes, próteses e rexeneración ósea. Pola súa banda, a charla do Dr. Hernández versou sobre rehabilitación protésica no sector posterior e o uso de pilares intermedios.
Estes relatorios formaron parte do evento BTI Máis Preto, unha xornada adicada á implantoloxía predicible organizada polo BTI Biotechnology Institute. BTI é unha das empresas líderes no sector da implantoloxía e rehabilitación oral, así como un dos colaboradores habituais da nosa Clínica Médico Dental.
En Clínica Pardiñas seguimos impulsando a formación, tanto a propia como a de outros profesionais do sector, buscando así unha odontoloxía de maior calidade.
