O grupo internacional TopDoctors incluíu a Clínica Pardiñas dentro do seu selecto directorio de clínicas dentais en España e na Coruña. TopDoctors.es é a filial española do grupo Castle Connoly Top Doctors, quen desde hai case 30 anos elaboran un prestixioso directorio dos centros médicos de maior calidade de cada cidade de Estados Unidos. Agora TopDoctors quixo expandir o seu proxecto polas nosas fronteiras e elixiu a Clínica Pardiñas como un dos dentistas referentes da Coruña.
Para asegurar a calidade dos centros médicos elixidos, TopDoctors realiza un exhaustivo proceso de selección que inclúe recomendacións entre profesionais, enquisas, auditorías e votacións, ata terminar cunha entrevista persoal co responsable do centro pre-elixido. Por todo isto para esta clínica é un verdadeiro orgullo poder entrar a formar parte deste prestixioso ránking.
