Ata agora cando un paciente ía ao dentista a realizarse un tratamento de ortodoncia, unha prótese, implantes, entre outros moitos, tanto o laboratorio coma o especialista necesitaban unha toma de impresións realizada con diferentes materiais para fabricar os moldes. Este proceso é moi incómodo para o doente xa que o material pode dar arcadas y mal sabor de boca.
Este escáner, chamado TRIOS® permite ao dentista crear unha impresión dixital 3D final baseada en datos reais no momento no que se realiza a impresión. Ademais, tanto o especialista coma o doente poden ver o resultado a través do iPad, ou noutras pantallas en directo.
Con este novo aparello, Clínica Dental Pardiñas aumentará a comodidade dos seus clientes evitando falsos resultados por alteración do material e permitindo aos especialistas e laboratorios realizar o seu traballo da forma máis rápida para asegurar a satisfacción do seus doentes.
