Tratamento para a periodontite ou enfermidade periodontal

A) Fase hixiénica – Limpeza dental profesional ou profilaxe periodontal

Na fase hixiénica realízase unha limpeza dental profesional ou profilaxe para  eliminar o sarro groso e instrúese ao paciente nas técnicas correctas de cepillado e nos métodos auxiliares (cepillos interproximais, fío dental, irrigador, etc.).

B) Fase desinflamatoria

Consiste en eliminar o sarro e a placa subxinxival, así como parte do tecido infectado da xíngiva. Para iso, utilízanse diversos instrumentos como curetas e ultrasonidos para facer raspados e alisados das raíces. Esta fase adoita realizarse con anestesia e por cadros (divídese a boca en catro partes). Se a enfermidade é moderada, pode ser suficiente con esta fase e os mantementos periódicos (limpezas periódicas profesionais).

C) Fase cirúrxica no tratamento da enfermidade periodontal

Unha vez desinflamada a xíngiva, hai que eliminar eses fondos de saco (bolsas periodontais) onde se acantonan os xermes. O obxectivo da cirurxía é eliminar as bolsas periodontais, que non son máis que uns espazos que se forman entre a superficie da xíngiva e do óso que rodea os dentes e alisar correctamente o óso que rodea ás raíces. No fondo destas bolsas hai un metabolismo microbiano que fai que se perpetúe o proceso, ao ser imposible chegar ao fondo da bolsa (cando é profunda) cos medios convencionais de hixiene oral.

A continuación, sutúrase a enxiva sobre unha base de óso saudable sen que quede xa espazo ou quede moi pouco entre ela e o óso. Deste xeito, o paciente pode acceder axeitadamente aos espazos de forma visible para poder hixienizaro. Nalgúns casos, tamén se poden recetar antibióticos para controlar a infección bacteriana e reducir a inflamación.

É evidente que, se a enfermidade está moi avanzada con gran perda de óso maxilar arredor das raíces dentarias e mobilidades importantes, pouco se pode facer para manter eses dentes. En cambio, se a perda de óso é incipiente ou moderada, o tratamento adoita obter uns resultados excepcionais para o mantemento de eses dentes en saúde a longo prazo, sempre e cando o paciente entenda o problema e leve a cabo na súa casa un estrito control de placa.

D) Mantemento e coidado en casa tras o tratamento da periodontite

Despois do tratamento, é fundamental manter unha boa hixiene bucal e visitar regularmente ao dentista para o seguimento e realizar as profilaxes periodontais periódicas.