Blog

Freddie Mercury E A Maloclusión Clase II Con Sobremordida

07-11-2018
Freddie Mercury, o mítico cantante e líder a banda de rock Queen padecía unha maloclusión clase II con sobremordida, unha alteración que lle provocaba unha dentadura particular e moi lembrada.

Freddie Mercury, malogrado cantante e líder da banda de rock Queen, volve estar na fala da xente debido á recentemente estreada película biográfica Bohemian Rhapsody, na cal se narra a historia do lendario grupo musical e da súa figura, un dos máis grandes cantantes do século XX.

Este popular e controvertido personaxe foi obxecto de numerosas imitacións e parodias, nas cales sempre aproveitaron a prominente dentadura que lle caracterizaba. Esta alteración maxilar debíase á chamada maloclusión clase II con sobremordida, provocada no seu caso por catro dentes adicionais no maxilar que provocaron un desprazamento dos seus incisivos.

Moita xente, incluídos amigos e biógrafos, preguntáronse por qué nunca decidiu tratarse. Rudi Dolezal, documentalista especializado en Mercury, asegura que o cantante tiña medo de que isto afectase á súa característica voz. “Máis espazo na boca significa máis alcance”, é o que di o propio protagonista da película nunha secuencia da mesma.

“Foi difícil cantar, falar e bicar con eles”, afirmou Ramik Malek acerca da prótese que debeu utilizar para encarnar ao cantante na mencionada cinta. “Pero gustoume tanto que, ao final, case me sentía espido se non os tiña postos”.

Dunha forma ou outra, do que non cabe ningunha dúbida é da meritoria carreira de Freddie Mercury. O seu legado tanto por cantante como por figura pública quedará para a historia, e sempre teremos as súas cancións para seguir gozando del. Aínda que se no voso caso non vos dedicades á música e padecedes algún problema deste tipo, recomendámosvos facer unha visita ao dentista.

Te puede interesar…

Estreamos Canle De YouTube En Galego

Estreamos Canle De YouTube En Galego

Desde Clínica Médico Dental Pardiñas publicamos en Youtube vídeos en 3D sobre odontoloxía en lingua galega co propósito de promover a difusión dá nosa cultura e idioma.

ler máis